Lej te piwo

Stoi Alojz przy szynkwasie,
Raje ledwo co sie ruszy,
Wyniósł dzisiaj kibel z hasiem
I go w pysku aże suszy.

Stoi Alojz przy szynkwasie,
I ze złości jest już siny.
Za nim czeko kompan Stasiek,
Cięgiem gapi sie w szuminy.

Lej te piwo, lej te piwo,
Lej te piwo, lej, a żywo,
Lej te piwo w kufel szybko,
Lej te piwo, lej, a gibko

Stoi Alojz przy szynkwasie,
Kamrat stanął mu na szłapie,
Gryjto klacho z kimś przy kasie,
A z kokotka piwo kapie.

Kapie piwo już na blacha,
Tak to bywa, mój kamracie,
Nim przestanie Gryjta klachać,
To rozleje sie po blacie.

Lej te piwo...